Pas katër orësh i bllokuar në shpellën e Pëllumbasit, në kanionet e Erzenit, 42 vjeçari, Gazmend Bugalli është nxjerrë me helikopter nga kanioni. 42-vjeçari është transportuar menjëherë drejt Spitalit të Traumës, pasditen e djeshme.
42 vjeçari kishte shkuar së bashku me 4 miqtë e tij për ngjitje në kanionet e Erzenit, ku edhe u aksidentua duke ndrydhur kaviljen e këmbës.
Misioni i shpëtimit është realizuar nga Forcat e Armatosura. Pamjet i ka postuar mëngjesin e sotëm ministrja Olta Xhacka e cila shkruan: “Shikoni profesionalizmin e pilotëve dhe teknikëve trima të Forcës Ajrore, të cilët dje evakuuan një 42-vjeçar nga kanionet e Erzenit, i lënduar gjatë ekskursioni te shpella e Pëllumbasit.”
