Ish-deputeti i Partisë Demokratike, Astrit Patozi, në një intervistë në emisionin “Kjo javë” në “News24”, ka reaguar në lidhje me pranimin e ofertës së Edi Ramës nga ana e Ridvan Bodes.
Patosi u shpreh se, është një vendim që i takon vetë Bodes, por për të është një dalje e parakohshme në pension për karrierën e tij në politikë. “As e përqafoj e as e përbuz. Ajo është një dalje e parakohshme në pension në politikë. Më duket shumë modest për aftësitë e tij politike dhe për makroekonominë në Shqipëri”.
“Ajo që do të vuajë më shumë nga djegia e mandateve nëse ndodh, do të jetë opozita”,- është shprehur ish-deputeti i Partisë Demokratike, Astrit Patozi. Patozi u shpreh se opozita ka vuajtur nga keqpërdorimi i mandateve.
Edhe përsa i përket bojkotit të zgjedhjeve, ai e quajti këtë vetëvrasje politike, dhe jo instrumentin e duhur për të rrëzuar qeverinë. “Mandatet duhet të përdoren politikisht nuk duhet të digjen.
Opozita ka vuajtur nga mospërdorimi i tyre (i mandateve) sepse i ka keqpërdorur ,kam parasysh dhe 4 vitet ku kam qënë vetë. Nuk mund të jetë kërcënim me bojkot zgjedhjesh apo dhe bojkoti vetë që është vetëvrasje politike, nuk është instrument për ta rrëzuar një qeveri.
Nuk mendoj se opozitës i mungon fuqia denoncuese, madje ndonjë herë është dhe tepruese, por i mungon modeli që është e ndryshme nga qeveria. Pse është perceptimi i njerëzve që opozita është po aq e përlyer sa qeveria”,- tha Patozi./BW/
Etiketa: Bode, BSH, i parakohshëm, komente, patozi, pension
