Department i Shtetit deklaron se sanksionet ndaj ish zyrtarëve apo dhe zyrtarëve në Shqipëri, do të vijojnë. Në kthimin e përgjigjeve ABC, ky departamenti shpjegon se vendimet ndaj të kurruptuarve mund të njoftohen edhe privatisht për personat nën akuzë. Kjo nënkupton, se mund të ketë politikanë, zyrtarë dhe aktorë të tjerë “non grata”, që publiku nuk ka ose nuk do të ketë dijeni për këtë vendim ndaj tyre.
Zëdhënësi për Evropën dhe Euroazinë në departamentin amerikan të shtetit, Ryan Walsh, sqaron: “Departamenti i Shtetit do të vazhdojë të përdorë këtë autoritet dhe të gjitha mjetet e disponueshme për të luftuar korrupsionin në nivel global. Në varësi të rrethanave të veçanta, disa emërtime bëhen publikisht ndërsa të tjerët privatisht”.
Në përgjigjen zyrës së shtypit të Departementit amerikan të shtetit, bëhet e ditur gjithashtu se, sanksionet prekin dhe familjarët e personave non grata.
“Mos përshtatshmëria vlen edhe për anëtarët e ngushtë të familjes, dhe ligji gjithashtu kërkon që Sekretari i Shtetit t’i caktojë publikisht ose privatisht këta zyrtarë dhe anëtarët e familjes së tyre të ngushtë. Emërtimet nuk janë të kufizuara në kohë”, thuhet nga DASH.
Ditën e djeshme u shpallën “non grata” ish-deputeti Aqif Rakipi dhe biznesmeni, pronari i mediave, Ylli Ndroqi, duke e çuar në 6 numrin e personave nga Shqipëria të sanksionuar ekonomikisht apo të shpallur “non grata”. Më herët, DASH ka shpallur “non grata” Adriatik Llallën, Tom Doshin, Vangjush Dakon dhe së fundi ish- kryeminstrin Sali Berisha.
