Aktualitet

Debatet e PS në Shkodër/ PD: Ndarja e politikës nga krimi, prioritet kombëtar














Bëni LIKE faqen zyrtare në Facebook
               Publikuar në : 16:25 - 23/09/21 |
mapo.al

Nënkryetari i Partisë Demokratike, Enkelejd Alibeaj, reagon pas përplasjeve në mbledhjen e Partisë Socialiste me strukturat në Shkodër për çështjen e punësimeve.






Alibeaj shkruan në një postim në ‘Facebook’ se ‘kemi paralajmëruar se si modeli i ndërtuar nga Edi Rama po përhapet si një tumor në indet e partisë që ai sundon dhe metastazat shtrihen në gjithë aparatin shtetëror’.


Alibeaj shton se ‘për Partinë Demokratike, ndarja e politikës nga krimi është një prioritet kombëtar’.







Reagimi i plotë
Për Partinë Demokratike, ndarja e politikës nga krimi është një prioritet kombëtar. Prej kohësh, me fakte dhe prova, kemi paralajmëruar se si modeli i ndërtuar nga Edi Rama po përhapet si një tumor në indet e partisë që ai sundon dhe metastazat shtrihen në gjithë aparatin shtetëror.



Debatet e publikuara në media nga mbledhja e PS-së së Shkodrës, konfirmojnë se pushteti i rrëmbyer me masakrën zgjedhore në bashkëpunim me krimin, nuk i përket qytetarëve, as socialistëve, por ortakëve të Edi Ramës që blenë vota, shantazhuan, dhunuan, dhe në këmbim marrin kontrollin mbi ato institucione që i shërbejnë më mirë interesave të tyre kriminale.

Lexo edhe :  Shkodër/ Akuzohen për shkatërrim të pronës e ndërtim pa leje, 4 në pranga


Këto rrëfime janë prova më e qartë se si partneriteti i pakicës plaçkitëse Rama, Doshi, funksionon si një PPP korruptive dhe kriminale, në kurriz të familjeve shqiptare. Pak ditë më parë ata bashkuan mandatet e vjedhura për të konfirmuar ortakërinë e tyre parlamentare, jo për të zgjidhur çështjen e papunësisë, gjendjen e rëndë ekonomike apo korrupsionin që cënon të ardhmen e Shqipërisë, por për të nginjur babëzinë e tyre në dëm të qytetarëve.

Përballja me këtë model është detyrë imperative për Partinë Demokratike dhe për shoqërinë shqiptare, sepse ç’kapja e shtetit nga krimi dhe korrupsioni janë e vetmja mënyrë për t’u dhënë fëmijëve tanë një të ardhme më të mirë.

LEXO EDHE:

“Drejtorë njerëzit e Tom Doshit”/ Debate në mbledhjen e Gjiknurit në Shkodër

1


Etiketa: , , ,

Pas