Nënkryetari i Lëvizjes Socialiste për Intergim, Petrit Vasili, në seancën e sotme të Kuvendit të Shqipërisë, ka folur në lidhje me zgjedhjen e presidentit të ri të vendit.
Ai tha se kryeministri Edi Rama do të dërgojë në Presidencë “rripin e tij” që ta komandojë si të dojë.
Sipas tij, salla e Kuvendit nuk mund të jetë në dispozicion të Ramës dhe kryetarit të Grupit Parlamentar të PS-së, dhe do flitet kur të urdhërojnë ato.
Me anë të një postimi në rrjetin social Facebook, Vasili konfirmoi edhe një herë ato që shprehu në seancë.
“Edi Rama me dëshpërim kërkon të legjitimojë sallahanën, që vjen erë për gjoja zgjedhjen e Presidentit.
Duan të çojnë rripin e pantallonave të Edi Ramës në Presidencë, që ta shtrëngojë e ta lirojë siç do ai”, ka shkruar Vasili.
