Mëngjesin e sotëm, rreth orës 9:00, pas një problemi teknik, gjysma e Shqipërisë është detyruar të ndërpresë aktivitetet që kryehen përmes energjisë elektrike.
Rajonet: Durrës, Fier, Vlorë, Gjirokastër, Sarandë, Përmet, Kavajë dhe Lushnje nuk do të furnizohen me energji elektrike derisa problemi teknik në Sistemin e Transmetimit të OST, të zgjidhet.
OST njofton se për momentin po punohet me intensitet të lartë në nënstacionin e Durrësit dhe atë Jug-Perëndimor si dhe në të gjithë nënstacionet e tjera përkatëse të zonave, për të riparuar avarinë.
