Fatbardh Kadilli, ish-kandidati për kryetar në PD, njëherësh anëtar i Kryesisë së selisë blu ka reaguar pas qëndrimit të fortë të ambasadores së SHBA Yuri Kim, e cila i kërkoi Bashës që Berisha të mos jetë në Kuvend në shtator
Sipas Kadillit, është e turpshme që kryetari i PD-së, të vihet me shpatulla pas murit nga ambasadorja e SHBA-ve, për një çështje që sipas tij Basha po e zvarrit prej kohësh.
Fatbardh Kadilli shkruan se PD duhet të ndahet nga trashëgimia e të shkuarës dhe të shohë përpara.
“Është e turpshme që kryetari i Partisë Demokratike vihet me shpatulla pas muri nga Ambasadorja e USA për një çështje që zvarritet prej kohe, për një çështje që bën sikur nuk është.
Është e pafalshme që vendimet e nesërme të jenë në kundërshtim me standardin dhe kërkesat e SHBA, vendit që ka një peshë të madhe në krijimin dhe mbështetjen e Partisë Demokratike.
Është e papranueshme që Kryetari, pas këtij takimi, të kryejë veprime dhe të marrë vendime të detyruara vetëm e vetëm për të ruajtur karrierën apo karrigen, por aspak pse ai beson me sinqeritet tek aleanca strategjike me SHBA.
Mbërritja në këtë situatë nuk e rrit besimin tek lidershipi i tij, por e zvogëlon atë edhe më shumë në raport me shqipërinë, SHBA dhe demokracinë.
Në Kuvendin Kombëtar u bëra thirrje demokratëve “për t’u ndarë nga çdo trashëgimi që na kompromenton, që na mban peng. Sado emocione të na lidhin me atë. Demokratë të shohim nga e ardhmja”- thekson Kadilli.
LEXO EDHE:
Yuri Kim i kërkon Bashës që Berisha të mos jetë në Kuvend në shtator
