Është publikuar fotoja e efektivit të policisë, Ludian Zaimi, i cili qëlloi kolegun e tij Çaush Saliasi.
Saliasi nuk mundi t’i mbijetonte plagëve të marra dhe për pasojë ka ndërruar jetë në spital.
Ngjarja e rëndë ndodhi mbrëmjen e së hënës brenda ambienteve të komisariatit nr. 3 në kryeqytet, pak para se të ndaheshin detyrat për turnin e tretë.
Mes viktimës, i cili shërbente prej 20 vjetësh në polici dhe autorit, i cili ishte polic prej 1 viti e gjysmë, ka ndodhur një konflikt banal.
Efektivi Ludian Zaimi ka qëlluar të paktën me 6 plumba ndaj Saliasit dhe është ndaluar nga kolegët teksa dilte nga komisariati.
