Kreu i Partisë Demokratike Lulzim Basha ka mohuar edhe njëherë se do të japë dorëheqjen.
Në një konferencë për mediat, Basha u pyet nga gazetarët se sipas një sondazhi 80% e demokratëve nuk e duan, dhe a do të jepte dorëheqjen për të mos e përçarë partinë.
Basha tha se sipas sondazheve të tij 95% të demokratëve duan që të vazhdojë betejën.
“Sipas sondazheve të mia 95% e demokratëve kërkojnë që unë të udhëheq betejën kundër regjimit Rama-Doshi dhe mbështesin agjendën e prezantuar nga unë për të pastruar llumin në politikë,” tha Basha.
