Faik e Shkëlzen Buci u dënuan me 50 vite heqje lirie në total për vrasjen e 23-vjeçares Eglantina Buci.
Babë e bir e pritën të qetë vendimin e dënimit me nga 25 vite burg.
Ngjarja e rëndë u regjistrua në vitin 2012 në Malin me Gropa dhe u zbardh vetëm pas rrëfimit të një dëshmitari, i cili u bë bashkëpunëtor i drejtësisë në vitin 2020.
Hetimi tregoi se Eglantina në atë kohë 23 vjeç u mor në makinë nga i vëllai Shkëlzeni, siç thotë Prokuroria, me kërkesë të babait Faik Buci dhe u ekzekutua me armë zjarri në Malin me Gropa, ku edhe iu fsheh trupi.
Prokuroria doli në konkluzionin se shkak për vrasjen ishte bërë mospranimi nga e reja të për t’u fejuar me djalin e zgjedhur nga i ati dhe largimi nga banesa.
Dy të pandehurit kanë mohuar vazhdimisht akuzat dhe pritet që t’i drejtohen Gjykatës së Apelit me ankim për vendimin e fajësisë.
