Drejtori i ri i OSHEE për Veriun është emëruar Tom Ndue Zhurri.
Në media janë publikuar sot dokumente që flasin se Zhurri ka qenë i dënuar në vitin 2012 me 7 vite burg për trafik droge. Vendimi është dhënë nga Gjykata e Shkodrës.
Ne vendimin e Gjykatës thuhet se Zhurri është dënuar si përfundim me 5 vite burg, duke përfituar nga gjykimi i shkurtuar.
Megjithatë kjo nuk e ka penguar atë që të zgjidhet në një post të lakmueshëm si ai i kreut të OSHEE-së për rajonin e Veriut. Më parë këtë detyrë e ka mbajtur kryetari i Bashkisë së Matit, Agron Malaj, ish-gardisti i 21 janarit, një tjetër emër i kontestuar për të shkuarën e tij.
Emërimi i Tom Ndue Zhurrit në detyrën e rëndësishme është denoncuar sot edhe nga ish-kryeministri Sali Berisha. Berisha shkruan në rrjetet sociale se “Zhurri do të marrë në dorë parcelat e kanabisit që janë mbjellë në të gjithë zonës e Malësisë“.
Vendimi Gjykatës së Shkodrës
Postimi i bërë më herët nga Berisha
Trafiku i droges merite per tu ngritur ne detyre ne poste te larta! Tom Ndue Zhurri i denuar ne vitin 2012 me 7 vite dhe 7 muaj burg emerohet drejtor i OSHE dhe Gjergj Dodani i denuar ne vitin 2016 per trafik droge dhe i perjashtuar nga policia emerohet shef i komisariatit te Vaut te Dejes.
Detyra: te mbrojne arat me kanabis “medicinal” te Edvin Droges dhe Gjeneral Hashashit. sb
Pershendetje dr. Denoncim nga Vau i Dejes:
Tom Ndue Zhurri, i cili eshte drejtor i OSSHE per Veriun, i denuar ne vitin 2012 per vepren penale “prodhim dhe shitje e narkotikeve” me 7 vite e 6 muaj burg, sot eshte rikthyer ne menaxhimin e parcelave te droges ne Vaun e Dejes, me specifikisht ne Karme, Vig-Mnel, Koman, Toplan, Serme dhe Shllak.
Tom Zhurri ne bashkepunim me shefin e komisariatit te Vaut te Dejes dhe shefin e krimeve, keto dite kane mare ne menaxhim parcelat e droges ne bashkine Vau i Dejes, sepse parcelat jane ne pronesi te Bashkise dhe ne krye te Policise Bashkiake eshte emeruar se fundmi nje tjeter i denuar ne Shtator te vitit 2016 per trafik droge dhe i perjashtuar nga Policia e Shtetit, krimineli Gjergj Dodani.
Trafikanti i droges Gjergj Dodani ka vene tani se fundmi ne dispozicion te ketij rrjeti kriminal te gjitha makinat e policise bashkiake te cilat sebashku me makinat e komisariatit, jane vene ne ruajtje te parcelave te droges.