Lëvizja Socialiste për Integrim hedh dritë mbi një skandal me rindërtimin që ka marrë jetë në Shijak.
Përmes një postimi në “Facebook”, ku shihet një video e një edicioni qëndror lajmesh në gjuhën turke, LSI thotë se 150 punonjës turq po viktimizohen, pasi po presin prej muajsh pagat në këmbim të punës për ndërtimet e banesave të dëmtuara nga tërmeti.
“Punëtorë të ardhur nga Turqia si nënkontraktorë për ndërtimet e banesave të dëmtuara nga tërmeti presin prej muajsh pagat por në këmbim të një pune prej 3 muajsh autoritetet iu ofrojnë vetëm 50 euro, një test COVID, biletën dhe kushte të mjerueshme strehimi” – shkruan LSI teksa thekson se shteti nuk ka paguar asgjë pavarësisht lidhjes së kontratës, dhe punonjësit turq kanë mbetur mes rrugëve të Shijakut, në kushte çnjerëzore strehimi.
Sipas kësaj force politike, që bazohet tek raportimet e mediave turke, të 150 punëtorët janë pa asnjë dokument leje pune apo siguracion, për rrjedhojë edhe konsullata turke nuk ndërhyn, sepse konsiderohet proces i paligjshëm marrja e punësimi i punonjësve të tillë.
3 pyetje shtron LSI për kryetarin e Bashkisë së Shijakut, ministrim Arben Ahmetaj dhe autoritetet përkatëse:
– A është transparente kontrata e lidhur me kompaninë Pepa dhe Dimar? Ku është e afishuar si kontratë?
2- Nëse nënkontraktorët janë nga shtete të huaja a kanë detyrimin t’i pajisin me dokumenta specialistët dhe në rast mospagesash kush garanton? Po në rast aksidentesh?
3 – Në kohën kur qindra firma shqiptare janë në sfidën e mbijetesës, dhe papunësia në vend është e madhe, cila është aresyeja që përdoren 150 punonjës të huaj dhe pa dokumente pune?
Postimi i LSI në “Facebook”:
SKANDAL
150 punëtorë turq të viktimizuar në Shijak. Skandal shtetëror dhe skandal abuziv me rindërtimin. “150 punëtorë turq janë viktima në Shqipëri” raporton media turke, një ngjarje kjo e denoncuar edhe nga banorë të Shijakut në qarkun e Durrësit. 150 punëtorë turq të ngujuar në Shijak presin pagat për 3/4 muaj punë të papaguar. Punëtorë të ardhur nga Turqia si nënkontraktorë për ndërtimet e banesave të dëmtuara nga tërmeti presin prej muajsh pagat por në këmbim të një pune prej 3 muajsh autoritetet iu ofrojnë vetëm 50 euro, një test COVID, biletën dhe kushte të mjerueshme strehimi.
Shteti nuk ka paguar asgjë pavarësisht lidhjes së kontratës dhe punonjësit kanë mbetur në mes të rrugëve të Shijakut dhe strehohen në kushte çnjerëzore. Të 150 punëtorët janë pa asnjë dokument leje pune apo siguracion për një proces të tillë për rrjedhojë edhe konsullata turke ngre shpatullat pasi nuk ka si ndërhyn për një proces të paligjshëm për 150 punëtorët turq të papaguar. Ky është rindërtimi i “rilindjes”. Ky është shteti i “rilindjes.” Mashtron shqiptarët, mashtron edhe të huajt. Shtet i papërgjegjshëm, shkelës i ligjit dhe skllavërues jo vetëm për shqiptarët por edhe shtetasit e huaj.
Kryetari i Bashkisë së Shijakut, Ministri Ahmetaj, dhe autoritetet përkatëse duhet të japin shpjegime për sa më poshtë: 1- A është transparente kontrata e lidhur me kompaninë Pepa dhe Dimar? Ku është e afishuar si kontratë? 2- Nëse nënkontraktorët janë nga shtete të huaja a kanë detyrimin t’i pajisin me dokumenta specialistët dhe në rast mospagesash kush garanton? Po në rast aksidentesh? 3 – Në kohën kur qindra firma shqiptare janë në sfidën e mbijetesës, dhe papunësia në vend është e madhe, cila është aresyeja që përdoren 150 punonjës të huaj dhe pa dokumente pune?
Ka të bëjë me evazion dhe fshehje bilanci pagesash? Kjo është fytyra e vërtetë e “rilindjes.” Ky është menaxhimi që qeveria po i bën rindërtimit. Kjo është e turpshme dhe çnjerëzore Mos besoni propagandën e ‘rilindjes.” Fytyra e saj e vërtetë është gënjeshtra, paligjshmëria dhe shfrytëzimi. Ndaj më 25 prill duhet dhe do t’i japim fund përgjithmonë këtij sekti korruptiv, të turpshëm dhe të papërgjegjshëm. Bahri Shaqiri LSI Durrës #DurresiShtepiaJuaj 🌹 #LSI
