fbpx

Aktualitet

Denoncimi/ PD: Ja si po vjedh Rama edhe aeroportin e Vlorës





               Publikuar në : 18:50 - 16/09/19 |
mapo.al

Partia Demokratike ka reaguar lidhur me projektin e aeroportit të Vlorës, pas prezantimit të projektit nga kryeministri Edi Rama ditën e sotme. Sipas Sekretarit për Burimet Njerëzore në PD, Ervin Minarolli, projektimi i aeroportit është një tjetër aferë korruptive e Edi Ramës. PD thekson se askush nuk e di sesi u përzgjodh firma projektuese, pasi nuk ekziston në letrat e shtetit shqiptar asnjë procedurë e rregullt ligjore.


“Me aeroportin e Vlorës dhe arkitektin e dënuar Casamonti, Edi Rama po ndjek një skemë të ngjshme më atë të projektit të Teatrit Kombëtar, për të cilin bëri një ligj special”– u shpreh Minarolli.



Rama gjatë prezantimit të projektit tha se nuk është shpallur një kompani fituese, por shtoi se qeveria shqiptare ka kapacitet për të nisur punimet, në mënyrë që të mos vonohet me zbatimin e projektit që tashmë është gati.


Deklarata
Aeroporti i Vlorës është për Edi Ramën një mundësi e re për të vjedhur!

Pasi i dështoi plani për ta bërë këtë me disa firma turke, të cilat u tërhoqën nga ndërtimi i aeroportit të Vlorës, Edi Rama nuk ka hequr dorë nga shkelja e ligjit dhe nga mungesa e transparencës, të cilat të çojnë në një konkluzion të vetëm, korrupsionin, vjedhjen e parave të shqiptarëve.

Projektimi i Aeroportit të Vlorës bën pjesë në këto afera korruptive të Edi Ramës. Askush nuk e di sesi u përzgjodh firma projektuese. Për të nuk është hapur asnjë garë. Nuk ekziston në letrat e shtetit shqiptar asnjë procedurë e rregullt ligjpre. Askush nuk e di sa ka kushtuar projekti dhe si do të paguhet ai.

Arsyeja e vetme është lidhja personale e Edi Ramës me projektuesin e aeroportit të Vlorës. Ai quhet Marco Casamonti, i cili ka projektuar disa nga veprat që kanë betonizuar Tiranën dhe Durrësin, Velierën e Durrësit, kullën tek Gjykata e Lartë, kullën tek Rruga e Kavajës, si dhe stadiumin me kullën e Edi Ramës.

Arkitekti personal i Edi Ramës, që ka projektuar Aeroportin e Vlorës jashtë çdo procedure ligjore, është i dënuar në Itali në vitin 2017 për mashtrim financiar. Me aeroportin e Vlorës dhe arkitektin e dënuar Casamonti, Edi Rama duket po ndjek një skemë të ngjshme më atë të projektit të Teatrit Kombëtar, për të cilin bëri një ligj special, i kundërshtuar nga Komisioni Europian si një ligj në shkelje të konkurencës së lirë.

Edhe ligji për aeroportin e Vlorës në kohën e negociatave me turqit u kundërshtua nga Komisioni Europian, i cili lajmëroi se do të hapte një hetim për këtë çështje për shkak se qeveria nuk zbtatoi ligjin e prokurimit publik.

Kjo aferë korruptive do të sjellë pasoja për çdo zyrtar, nga juristi më i thjeshtë, tek kryeministri i vendit, si dhe për çdo kompani private që bëhet pjesë e pazarit të Edi Ramës për të vjedhur paratë e taksapaguesve shqiptarë. Me ardhjen e Partisë Demokratike në pushtet kjo aferë do t’i nënshtrohet ligjit të ri Antimafia!

LEXO EDHE:

Rama prezanton projektin e aeroportit të Vlorës: E ndërtojmë vetë


Etiketa: , ,

CLOSE
CLOSE
Pas