Kryesore

Denoncimi/ Rama, 100 mijë euro avion privat për fundjavë në Paris





Bëni LIKE faqen zyrtare në Facebook
               Publikuar në : 16:24 - 31/05/20 |
mapo.al

Sekretari i Përgjithshëm i PD, Gazment Bardhi ka bërë një denoncim në rrjetet sociale ku thotë se kryeministri Edi Rama ka udhëtuar për fundjavë në Paris me charter personal 100 mijë euro, ndërkohë që Shqipëria po kalon krizën e COVID-19.


Bardhi thotë se Rama pa asnjë shpjegim e njoftim zyrtar shpenzon lekët e shqiptarëve ndërkohë që shumë shqiptarë presin të riatdhesohen.


Mësohet se kryeministri ka udhëtuar drejt Parisit me avionin e “Air Albania”.


Denoncimi i Gazment Bardhit
Ndërkohë që vendi është mbërthyer nga kriza, Edi Rama zgjedh të kalojë fundjavën në Paris. Duke shfrytëzuar avionin e Air Albania-s si charter personal, Kryeministri ka kaluar këtë fundjavë në Paris pa dhënë asnjë shpjegim apo njoftim zyrtar për arsyet e këtij udhetimi.


Për ç’arsye Edi Rama përdor avionin e shtetit shqiptar si plaçkë personale?

Në këto ditë kaq të vështira për qytetarët si mundet që një kryeministër të shpenzojë për luksin e tij 100.000 euro të shqiptarëve për charter personal?

Ndërkohë që ka ende shumë shqiptarë që presin të riatdhesohen ai përdor avionin e shtetit shqiptar për arsye personale.

Si mundet që Kryeministri ta trajtojë shtetin si pashallëk dhe të plotesojë qejfet e veta për udhëtime turistike ndërkohë që shqiptarët janë më të varfër se kurrë?

RAMAVIRUSI që ka shkatërruar ekonominë e shqiptarëve, që ka varfëruar dhe lënë të papunë shumicën e tyre, shpërdoron fondet publike për interesa personale.

Shqipëria nuk është pashalleku i Edit të Surrelit. Mosha dhe zullumet e kanë plakur autokratin në ikje, që po braktiset çdo ditë nga qytetarët e ndershëm shqiptarë.


Etiketa: , , ,

CLOSE
CLOSE
Pas