Kuvendi i Maqedonisë së Veriut mund të rikthehet tek seancat online, pas infektimit të tre deputetëve me Covid-19.
Kryeministri i vendit, Zoran Zaev e rekomandon diçka të tillë duke mbështetur deklaratën e javës së kaluar të ministrit të Shëndetësisë, teksa shton se duhet shmangur bllokimi i punës së institucionit.
“Ministri i Shëndetësisë, Venko Filipçe propozoi që Qeveria të fillojë punën online. Ne në qeveri nuk kemi ndonjë person të infektuar me koronavirus, por propozojmë që të punojmë online. Ndërsa Kuvendi, me 2-3 deputetë të infektuar, është mirë që të ketë parasysh interesin e qytetarëve dhe institucioneve të tjera, si dhe të shqyrtojë mundësinë e punës online, që të mos vijë deri te bllokimi i punës së këtij institucioni”, shprehet Zaev.
Kryeministri i Maqedonisë së Veriut thekson se kjo është masa e duhur për të siguruar vazhdimësinë e punës së Kuvendit, përgjatë pandemisë Covid-19.
