Deputeti socialist i qarkut të Fierit, ka krijuar një tollovi, teksa në komunikimin në chatin e komisionit të sigurisë, ai ka postuar foton e diktatorit Hoxha.
Kjo ka sjellë reagimin e deputetëve të PD, por edhe të PS, të cilët s’kanë qënë dakort.
Kreu i grupit parlamentar të PS, ka tentuar sot ta sqarojë këtë çështje, duke thënë se po e verifikojnë dhe se telefonin e deputetit Çela, duhet ta ketë përdorur dikush tjetër.
“Unë kam marrë një sqarim nga deputeti në fjalë, që bëhet fjalë për përdorim të aparatit të tij celular nga persona të tjerë. Kjo do të jetë pjesë e një verifikimi në aspektin e kodit të sjelljes dhe etikës brenda grupit parlamentar dhe çdo masë ndëshkimore do të merret në momentin që do të ketë verifikime. Do i kërkoja të gjithë kolegëve të tjerë të raportojnë raste të tilla dhe natyrshëm që grupi parlamentar i PS ka të gjithë instrumentet e nevojshme për të ndërmarrë çdo lloj hapi apo mase disiplinore”, tha Balla.
Mirëpo sot, vetë përfaqësuesi, ka thënë se i qendron deklaratave dhe vlerësimeve të tij për Enver Hoxhën.
Sipas tij ai është person me kontribute në histori, dhe ka meritat e tij që nuk duhen mohuar. Kësisoj, Çela, ka përgenjështruar shefin e tij Balla.
