Deputeti i Partisë Demokratike, Dashnor Sula shkruan në rrjetet sociale se, pensionistët dhe familjet në nevojë janë braktisur nga qeveria përballë krizës së çmimeve.
Sipas tij, qeveria e ka humbur kontaktin me realitetin, ndërsa shkruan se, kjo mazhorancë po zbaton planin e saj për ta kthyer Shqipërinë në “Republikën e Pleqve” dhe se tallet dhe i nëpërkëmb këto shtresa.
Ai thekson më tej se përmes makinerisë së propagandës qeveritare Edi Rama solli në Parlament një paketë e cila nuk ishte gjë tjetër veç se një rishikim buxheti që tallej me pensionistët.
Ndërkohë që, ministrja e Shëndetësisë, Ogerta Manastirliu, pas mbledhjes së qeverisë tha se nga 1 tetori do të dyfishohet ndihma ekonomike për familjet me ndihmë ekonomike dhe personat me aftësi të kufizuara.
“Kemi miratuar disa vendime, përcaktohet se nga 1 tetori rritet me 10 % ndihma ekonomie për të gjitha familjet që përfitojnë asistencë sociale. Nga 1 tetor dyfishohet pagesa për ndihmën ekonomike për familjet që kanë 2 fëmijë dhe janë pjesë e ndihmës ekonomike, që janë rreth 5700 gra kryefamiljare me dy fëmijë. Familjet që janë përfitues enë ndihmë ekonomike me 3+ fëmijë, kemi dyfishuar ndihëm nga janari. Për të moshuarit pa pension pleqërie, dyfishohet ndihma ekonomike, më shumë se 5300 të moshuar që përfitojnë. Për peronat me aftësi të kufizuara pas u është ideksuar me 7.5% masa e mbështetëse, sot është marr një tjetër vendim në lidhje me mbështetjen e energjisë elektrike, u rritet masa e mbështetjes për kompensimin për energjinë elektrike, shkon në 3 mijë lekë të reja, ndërsa për personat që kanë status të verbër të kategorisë së dytë, shkon në 2400 lekë të reja”, tha ajo.
Postimi i deputetit të PD-së:
Qeveria braktis pensionistët dhe familjet në nevojë përball krizës së çmimeve.
Qeveria e Kryeministrit Rama është qeveria më e papërgjegjshme në rajon e më gjerë. Ka që prej muajit qershor që nuk jep asnjë qindarkë për pensionistët dhe familjet në nevojë. Në këtë rast kuptohet edhe më qartë se përse kjo mazhorancë zbaton planin e saj (për ta kthyer Shqipërinë në Republikën e Pleqve) sepse nuk mund të reagojnë edhe kur kryeministri tallet e i nëpërkëmb këto kategori.
Gjatë gjithë kohës së verës dhe në nisje të këtij sesioni Parlamentar kam kërkuar që qeveria të marr masa konkrete për të ndihmuar pensionistët dhe shtresat në nevojë si kategoritë më vulnerabël përball krizës së çmimeve. Në parlament treguam ndryshimin drastik, real të çmimeve të ushqimeve bazë. Rritja ishte mesatarisht 76%.
Por kjo qeveri as nuk e “vendosi ujin në zjarr” thotë populli. Përmes makinerisë së propagandës qeveritare Edi Rama solli në Parlament një paketë e cila nuk ishte gjë tjetër veç se një rishikim buxheti që tallej me pensionistët.
330 lek të vjetër në ditë për pensionistët.
330 lekë edhe më pak për familjet në nevojë.
Tallje, tallje dhe nëpërkëmbje.
Këtë e ka konfirmuar edhe Zëvëndësdrejtori i Fondit Monetar Ndërkombëtar z. Bo Li pas vizitës së tij në Shqipëri. Pasi u njoh me situatën i ka kërkuar qeverisë që të mbështes kategoritë në nevojë: Pensionistët dhe familjet në nevojë.
”Në diskutimet e mia me autoritetet, theksova sfidat me të cilat përballet Shqipëria që vijnë nga rritja e çmimeve të ushqimeve dhe energjisë, shtrëngimi i kushteve financiare dhe dobësimi i mjedisit të jashtëm. Ekziston nevoja për të mbrojtur të pambrojturit nga rritja e kostove të jetesës nëpërmjet mbështetjes fiskale të përkohshme dhe të shënjestruar mirë”, shprehet konkretisht Zëvendësdrejtori i FMN.
Shpresoj që hallet e pensionistëve, thirrjet tona si opozitë dhe apeli i Zëvendësdrejtorit të FMN të mos bien në vesh të shurdhët të kësaj qeverie që ka humbur kontaktin me realitetin.
