Seanca maratonë në Kuvend përveç debateve të forta nuk ka kaluar edhe pa të qeshura. Shkak është bërë fjalimi i deputetit demokrat, Saimir Korreshi.
Deputeti kritikoi qeverinë, duke dhënë shembuj konkretë nga terreni, për të cilin tha se ata nuk e njohin, pasi nuk e shkelin bazën.
Ndërkohë, fjalimi i tij shkaktoi shumë të qeshura te deputetët demokratë, përfshirë kryetarin Lulzim Basha.
Të qeshurës nuk i ka shpëtuar as Damian Gjiknuri, të cilin e fikson kamera për një moment.
“Shkoni te spitali i Lushnjes, ke frikë të mjekohesh të del miu nga këmbët dhe mos dish nga të vesh. Në çfarë bote jetoni ju? A e dini sa ka paguar një njeri për të kuruar, për tu ndjekur me infermier në shtëpi.
Të gjithë kanë ndjekur regjim shtëpiash se u përhap, po shkove në Tiranë, kthehesh me arkivol”. Kjo ka ndodhur. Kostoja për një të sëmurë ka qenë 3 milion lekë. Ju thoni do bëjmë shkolla të reja, por nuk kemi nxënës, fëmijët kanë ikur.
Ju ndërtoni nëpër ëndrra. Se këtu po bëhet nami, ne jemi eksportuesit e parë në botë? Çfarë eksportuesish jemi ne? Ju keni ndenjur gjithë jetën në Tiranë dhe nuk e keni idenë çfarë bëhet në terren.
Thoni kemi bërë peshkim dhe do jetë tarifa zero, nafta pa akcizë. Por keni shembullin e Karavastasë. Para tetë vitesh sesa paguhej në tatime fitimi që jepte kjo kënetë.
Kurse sot del me humbje. Tani ka dy gjëra, o ju rruani lekët, ose peshku ka frikë nga ju dhe ia ka fut vrapit. Ju thoni policia, me kë polici do ndiqni krimin ju?
Me atë policin që mori lekët dhe iku me vrap,” u shpreh deputeti ndër të tjera.
