Është gjendur e mitura e cila u raportua se u rrëmbye në kryeqytet. Pas 4 orësh e zhdukur, pa asnjë kontakt me familjarët, 13-vjeçarja është gjetur nga policia në një qendër tregtare duke konsumuar pije freskuese me shoqërinë.
Çfarë u raportua fillimisht në media?!
Fillimisht u raportua se vajza është rrëmbyer me forcë nga një person sapo ka zbritur nga autobuzi i shkollës pranë banesës. Më tej raportimet në media bënë me dije se gjyshja e vazjës pa gjithë skenën nga ballkoni dhe njoftoi policinë, por kjo nuk rezultoi e vërtetë.
Rreth një orë më parë, në një lidhje telefonike për mediat, mamaja e vajzës u shpreh se e bija është diabetike dhe se mjekohet 4 herë në ditë me insulinë, duke i bërë thirrje policisë që të gjendet sa më parë pasi mund t’i rrezikohet jeta.
Si e inskenoi 13-vjeçarja rrëmbimin?!
Teksa ndodhej nën shoqërinë e së motrës më të vogël, 13-vjeçarja është ndarë prej saj duke inskenuar gjithçka vetëm që të kalonte pak kohë me miqtë.
Sipas BW, vetë ajo ka treguar se është larguar pasi prindërit nuk i jepnin leje dhe ka sajuar rrëmbimin. “Jam larguar nga banesa për të kaluar një pasdite me shoqet. Por ngaqë prindërit nuk më jepnin leje sajova rrëmbimin”, ka rrëfyer vajza.
Njoftimi nga Drejtori i Policisë Rebani Jaupa për gjetjen e të miturës
Vetëm pak minuta më parë, Drejtori i Policisë së Tiranës, Rebani Jaupa bëri të ditur se nuk bëhej fjalë për një rrëmbim, por 13-vjeçarja kishte shkuar për të pirë pije freskuese me një grup shokësh dhe shoqesh. “Është shumë mirë, nuk ka pasur rrëmbim, është një grup shoqesh dhe shokësh që kanë shkuar në një lokal për të pirë pije freskuese”, tha Jaupi. Ishin familjarët e të miturës ata të cilët denoncuan rastin në fjalë, por fatmirësisht ajo nuk u rrëmbye dhe është shëndoshë e mirë.
LEXO EDHE:
E rëndë në Tiranë, e mitura rrëmbehet me makinë tek ish-parku
“Sa zbriti nga autobuzi i shkollës”, si u rrëmbye e mitura në Tiranë
Tronditëse: Vajza e rrëmbyer rrezikon jetën, duhet të mjekohet…
Pengmarrja e të miturës, gjyshja pa rrëmbimin nga ballkoni (DETAJE)
