“Nisma Thurje”, një nga partitë e vogla që synojn të hyjë në parlament në zgjedhjet e ardhshme, e që ka denoncuar sa herë skandalet e qeverisë, duket se ka marrë një vendim të papritur, duke ndërprerë bashkëpunimin me deputeten Rudina Hajdari.
Ishte Pano Soko, një nga drejtuesit e “Nisma Thurje”, në edicionin e lajmeve në EuroNews, i cili la të kuptohej që pas ngjarjeve të djeshme në parlament, “Nisma Thurje” nuk do ta ketë Hajdarin më pjesë të saj.
Pas falenderimit për këmbënguljen e deputetes për hapjen e listave, Soko u shpreh se bashkëpunimi i projektuar mes tyre kishte kuptim në një realitet me lista të hapura, gjë e cila nuk ndodhi.
Kështu indirekt ai la të nënkuptuar se nuk do të kishte më bashkpunim duke filluar nga tani e në të ardhmen.
Ky vendim vjen një ditë pas bllokimit të foltores së Kuvendit dje nga Hajdari, e cila kundërshtoi ndryshimet në Kodin Zgjedhor. Hajdari akuzoi deputetët dhe qeverinë për pazare, dhe bëri thirrje për bojkotimin e seancës.
Ky vendim i “Nismës Thurje” i la në mes fushatën Hajdarit, pasi prej ditësh ajo kishte filluar takimet në terren me qytetarët. Mesa duket edhe këtë herë gjërat nuk shkuan sipas parashikimeve të Hajdarit. Nuk dihet ende se ku do të pozicionet deputetja për zgjedhjet e ardhshme.
Ndërkohë, deputetja kishte nisur edhe fushatën për zgjedhjet e ardhme të 25 prillit të vitit 2021. Javët e fundit ajo është shfaqur në takime me qytetarët, të cilëve iu ofroi edhe një alternativë të re. Por, mesa duket edhe këtë herë gjërat nuk shkuan sipas parashikimeve të Hajdarit. Nuk dihet ende se ku do të pozicionet deputetja për zgjedhjet e ardhshme.
