Gazeta Mapo raportoi më herët se një vajzë e njohur e showbizz-it është shoqëruar për tu marrë në pyetje në polici, në lidhje me atentatin ndaj prokurorit Ndoja. Tashmë është e konfirmuar se bëhet fjalë për modelen Kejvina Kthella. Ajo është marrë në pyetje nga hetuesit si person që mund të ketë dijeni për ngjarjen. 
Grupi hetimor vendosi ta shoqërojë dhe ta marrë në pyetje Kthellën pas arrestimit të 34 vjeçarit, Redjan Rraja. Në telefonin e këtij të fundit janë gjetur shumë telefonata dhe komunikime whatsapp me Kthellën. Gjatë marrjes në pyetje ajo nuk ka pranuar të japë detaje për lidhjen me Rrajën. Sakaq mësohet se modeles i është sekuestruar telefoni.
34-vjeçari nga Fushë-Kruja, Redjan Rraja u arrestua si person i dyshuar për atentatin e Durrësit. Gjykata vendosi dje ta lë në arrest me burg, pasi ka prova që e implikojne në krim. Vetë ai i ka mohuar akuzat duke thënë se nuk ka gisht në ngjarjen e rëndë me 1 viktimë dhe 2 të plagosur.
Lexo edhe:
Atentati ndaj prokurorit Ndoja, syzet tradhtojnë Redjan Rrajën
Atentati ndaj Ndojës, Redjan Rraja: S’e njoh, po bëja rrugën e zakonshme
Etiketa: atentat, Durrës, Kejvina Kthella, merret ne pyetje, Prokuror, Redjan Rraja, Showbizz
