Nuk ka ndodhur rrallë që zyrtarë të mazhorancës, ministra, ish-ministra, deputetë, kryetarë bashkie, apo drejtorë, të kenë patur ide, propozime, qasje, apo zbulime, që kanë sjellë reagime të forta në publik.
Por kampioni mes njerëzve të Edi Ramës që provokojnë acarim, trazim e deri revoltë, është Ilir Beqaj.
I akuzuar në media, dhe nga opozita, si një prej përfituesve më të mëdhenj nga abuzimet me koncesionet në shëndetësi, i akuzuar për përfitime nga buxheti i shtetit me kompaninë e tij private, madje për këtë ka humbur edhe mandatin e deputetit në Gjykatën Kushtetuese, Ilir Beqaj, ka patur një vegim, një shajni, që ka bërë të komentojnë me zjarr, me akuza, e deri me neveri, shumë njerëz të njohur, e mbarë opinioni, në portale, gazeta e në rrjetet sociale.
Beqaj ka propozuar si masë për daljen nga kriza, uljen e pagave në sektorin publik, dhe rishikimin e pensioneve. Këtë propozim, Beqaj e ka bërë në një analizë, në gazetën Panorama.
Ja çfarë thotë ai:
Nga 1 maj 2020 deri në 31 dhjetor 2020, të gjithë të punësuarit e sektorit publik, institucione e ndërmarrje, qendrore e vendore, të varura e të pavarura, të paguhen me 90 % të pagës së tyre normale.
Por jo më pak se paga minimale në shkallë vendi, duke përjashtuar edhe ata që janë në vijën e frontit të luftës. Paga mesatare mujore në sektorin publik është 63,000 lekë. Të punësuar janë rreth 172 mijë.
Krijojmë kështu një fond rreth 8,7 mld lekë (4,5 mld punonjës buxhetorë dhe 4,2 mld punonjës jobuxhetorë).
Po kështu, çdo pension suplementar e shtesë pensioni suplementar (nëpunës i lartë shtetëror, ushtarak në lirim, profesor etj.) për tetë muajt e mbetur të vitit, të marrë 75 % të këstit mujor të muajit prill 2020“.
LEXO EDHE:
Anastas Angjeli kundër propozimit të Beqës për uljen e pagave dhe pensioneve
Bardhi: Propozimi për uljen e pagave kriminal, Ramës paratë i duhen për oligarkët
Beqaj propozoi uljen e pensioneve/ Mjekja: Nuk të mjaftuan koncesionet
