Efektivit të Policisë së Shtetit, Saimir Hoxha, që dje mbeti i vrarë gjatë një aksioni anti-kanabis, iu dha sot lamtumira e fundit përmes një ceremonie në Varrezat “Dëshmorët e Kombit”.
Në emër të familjes së të ndjerit, Sulejman Sula u shpreh se vrasja e Saimirit nga dora e zezë ka shkaktuar një dhimbje të madhe.
Ai theksoi se 44-vjeçari, baba i dy djemve, ra si hero në luftën kundër krimit dhe kundër kriminelëve.
“Sot jemi mbledhur me dhimbje shumë të madhe në këtë ceremoni mortore, që na e shkaktoi dora e zeze vrastare, duke marrë birin e Pukës, Saimir Hoxhën. Ai lindi në një familje të shquar. Në trungun e kësaj familje ka mbi 28 pjesëtarë me arsim të lartë. Kjo familje shquhet si vatër e dijes.
Do ndalemi te Saimir Hoxha, i cili vjen nga një babë fisnik i shquar në fushën e topografisë dhe nga një nënë mësimdashëse dhe nga dy motra në fushën e jurisprudencës. Saimiri mbaroi Akademinë e Forcave të Rendit dhe u diplomua dhe në Juridik. Shërbehu në disa rrethe dhe së fundmi në Lezhë.
Kudo u dallua për ndershmëri. Krijoi familje nga një vajzë nga treva e Tropojës, duke lindur dy djem. Prindërit i vunë emrin Saimir, i tillë ishte për familjen, për të afërmit dhe qytetarët që iu shërbeu me devocion. Dora e zezë ngriti dorën kundër shtetit. Ai ra si hero në luftën kundër krimit, kundër kriminelëve dhe forcave të errëta, por në kohën e demokracisë, duke mbetur një yll.
Gjej rastin që të falënderojë për mbështetjen qytetarët. Dua të gjej rastin që të falënderoj titullarët e shtetit tonë, dhe kryetarët e forcave partiake. Për të nderuar kujtimin e dëshmorit Saimir Hoxha, ju ftojmë të mbajmë një minutë heshtje. U prehtë i qetë në dheun e kësaj toke të shenjtë”, tha Sulejman Sula.
LEXO EDHE:
I jepet lamtumira e fundit Oficerit të Policisë së Shtetit, Saimir Hoxha
