Drejtues politik i PD në Qarkun e Elbasanit, Gazment Bardhi, ka reaguar në lidhje me përplasjet mes simpatizantëve PS-PD dje në këtë qytet. Bardhi, një ditë më parë, denoncoi me foto dhe me emër, të gjithë ata të cilët i cilëson si banditë, që mbështesin Ramën dhe shkaktuan përplasjet mes simpatizantëve.
Sot, nga selia blu në Elbasan, Gazment Bardhi tha se se kemi publikuar foto dhe video, portrete të eskortës së kryeministrit Rama. Bardhi tha se kryeministri nuk reagon dhe as i dërguari politik i tij në Elbasan, Taulant Balla.
Bardhi tha se Rama nuk distancohet nga banditët, që ushtruan dhunë në bulevard.
“Drejtori i Policisë së Elbasanit, dhe Prokurori i rrethit Elbasan, nuk kanë bërë transparencë mbi hapat që kanë marrë. Nuk kemi asnjë iluzion se policia mund të arrestojë shqoqëruesit e Edi Ramës.”- tha Bardhi.
Më tej, a ishtoi se Rama e di mirë se do të humbasë zgjedhjet në Elbasan dhe në gjithë Shqipërinë.
“Në vështirësi për të fituar zgjedhjet, Rama ka nxjerrë në fushë të gjithë bandidtët. Më 25 prill do të sjellim ndryshim dhe shpresë. Dua të jem i qartë me Ramën, Ballën, Drejtorin e Policisë dhe Prokurorin e Rrethit të Elbasanit, se kjo që ka ndodhur në 24 orë, s’është lojë, por çështje thelbësore.
41 ditë, unë, ekipi i PD, ekipi ynë i kandidatëve kemi qenë dhe do të mbetemi deri në fund të distancuar nga krimi i organizuar. Nëse Edi Rama ka menduar se do fitojë zgjedhjet me krimin e organizuar, po e njoftoj se i ka bërë llogaritë gabim. Të gjithë do të përgjigjen për gjithçka, me çdo mjet dhe me çdo formë.”-tha Bardhi.
LEXO EDHE:
Me foto dhe me emër – Gazment Bardhi denoncon banditët e Ramës sot në Elbasan
