Aktualitet

Dhunuan të riun dhe qëlluan me armë, në pranga 52-vjeçari, dy në kërkim














Bëni LIKE faqen zyrtare në Facebook
               Publikuar në : 10:44 - 12/07/21 |
mapo.al

Policia e Durrësit ka arrestuar një 52-vjeçar dhe ka shpallur në kërkim dy të tjerë pasi goditën me sende të forta një shtetas dhe qëlluan me armë zjarri në ajër duke prishur qetësinë publike.






Gjithashtu u bë arrestimi i një shtetasi 25 vjeç dhe u shpall në kërkim vëllai i tij për veprën penale “Kundërshtimi i punonjësit të Policisë”.


Sipas uniformave blu, u bë arrestimi i shtetasit A. K., 52 vjeç dhe u shpallën në kërkim shtetasit Xh. K., 20 vjeç dhe K. K., 22 vjeç, banues në Shijak, Durrës (me lidhje familjare).







Këta shtetas, në bashkëpunim me njëri-tjetrin, dyshohet se pas një konflikti për motive të dobëta, kanë goditur me mjete të forta shtetasin D. Gj., 25 vjeç, banues në Pjezë, Shijak, Durrës, duke i shkaktuar dëmtime të lehta në trup.




Gjithashtu, këta shtetas, gjatë largimit nga vendngjarja dyshohet se kanë qëlluar në ajër me armë zjarri në Shijak, duke prishur qetësinë publike.



Gjatë ndërhyrjes nga shërbimet e Policisë dhe gjatë shoqërimit të personave që mund të kishin dijeni për ngjarjen e ndodhur, shtetasi F. Ç. ka kundërshtuar me dhunë forcat e Policisë.

Në vijim të veprimeve u arrestua në flagrancë shtetasi F. Ç., 25 vjeç, si dhe u shpall në kërkim vëllai tij, shtetasi A. Ç., 25 vjeç, banues në Shijak, për veprën penale “Kundërshtimi i punonjësit të Policisë”.

Materialet i kaluan Prokurorisë së Rrethit Gjyqësor Durrës, në ngarkim të shtetasve A. K., Xh. K. dhe K. K., për veprat penale “Plagosja e lehtë me dashje”, “Kanosja”, “Armëmbajtja pa leje” dhe “Prishja e rendit dhe qetësisë publike”, si dhe në ngarkim të shtetasve F. Ç. dhe A. Ç., 25 vjeç, për veprën penale “Kundërshtimi i punonjësit të Policisë”.

1


Etiketa: , ,

CLOSE
CLOSE
Pas