Kryesore

Dibrës dhe Gjirokastrës iu hiqet nga një mandat, Tirana bëhet me 36 deputetë








Bëni LIKE faqen zyrtare në Facebook
               Publikuar në : 15:46 - 30/11/20 |
mapo.al

Zgjedhjet parlamentare të 2021-ish ndryshojnë hartën elektorale. Dibra dhe Gjirokastra janë dy qarqet e vetme ku do të ketë ndryshime në numrin e deputetëve që do të zgjidhen në 25 prill.



Tashmë është zyrtare. Parashikimet e partive zyrtarizohen nga Drejtoria e Gjendjes Civile, e cila ka informuar zyrtarisht KQZ-në për shtetasit me të drejtë vote.


Nga formula e përllogaritur nga Komisioni Qendror i Zgjedhjeve, si në Dibër, ashtu edhe në Gjirokastër, do të hiqet një mandat deputeti.



Pra, dibranët do të zgjedhin 5 dhe jo më 6 deputetë, ndërsa gjirokastritët, do të votojnë për 4, e jo më për 5 deputetë.



Në këtë projektvendim të KQZ-së, të dy këto mandate që bien për shkak të lëvizjes së popullsisë, i shtohen Qarkut Tiranë. Banorët këtu do të zgjedhin tashmë jo 34, por 36 ligjvënës.


Referuar trendit të votave sipas rezultateve të 2017-ës, mandati i djegur në Dibër i ikën Partisë Demokratike, ndërsa ai në Gjirokastër i rrëzohet Partisë Socialiste.

Lexo edhe :  VOA: Franca nuk pret mirë komentet e Ramës, bën notë proteste

Në Tiranë, sipas parashikimeve, dy mandatet e shtuara ndahen në mënyrë të barabartë, një PD e një PS.

Por lëvizjet e popullsisë dhe ndryshimet në gjendjen civile janë parë me dyshim në Komisionin Rregullator. Muharrem Çakaj kërkon llogaridhënie nga Ministria e Brendshme.

“A impakton kjo në ditën e votimit një zgjedhës që figuron i regjistruar në Tiranë por nuk shkon dot në qendër votimi pasi i duhet të marrë letër njoftimin në Tropojë, Lushnje apo ku e ka. Në një mbledhje sa më të afërt të kishim prezent person atë nivelit drejtues të gjendjes civile që të na orienton drejt një fakti të tillë”, është shprehur ai.

Regjistri përfundimtar i zgjedhësve pritet të botohet në mes të muajit mars.

1


Etiketa: , ,

CLOSE
CLOSE
Pas