Efektivët e forcave speciale RENEA dhe FNSH do të marrin në prag festash dietat e prapambetura si dhe shpërblim prej 25 mijë lekësh të reja.Për të dyja repartet, të cilave u mbaronte afati i pagesave të dietave në fund të dhjetorit, është caktuar vlera e 30 mijë lekëve të reja.
Sipas burimeve nga Policia e Shtetit, ky vendim vjen për shkak të angazhimit që efektivët kanë patur gjatë muajve të fundit, jo vetëm në protestat e nxitura nga vrasja e 25-vjeçarit Klodian Rasha, por edhe në menaxhimin e pandemisë Covid-19.
Po të njëjtat burime bëjnë me dije se shpërblim pritet të marrin edhe efektivët e Shqiponjave dhe ata të Rendit. Por, duket se vlera e shpërblimit për këto kategori do të jetë në varësi të buxhetit që kanë në dispozicion komisariate të ndryshme.
