Zbardhen detaje të reja nga sekuestrimi i 300 kg kokainë në Portin e Durrësit. Lënda narkotike u gjet në një kamion që vinte nga Maqedonia e Veriut dhe kishte për destinacion Italinë.
Në vijën e dytë të kontrollit, në dalje, policia ka konstatuar sasinë e madhe të kokainës e fshehur në trupin e kamionit.
Droga ishte e ndarë në disa pako, ndërsa bie në sy se amballazhimi ishte bërë me logot e disa firmave të njohura të veshjeve në botë si “Dior” dhe “Chicago Bulls“.
Por nuk mbaron me kaq, trafikantët kanë përdorur si amballazh për kokainën edhe logon e ekipit francez të fubollit, PSG. Kodimet e ngarkesave nëpër mbështjellëse bëhen me qëllim identifikimin e pakos që do të marrë pritësi.
Policia ka ndaluar drejtuesin e kamionit Nafiz Ajrofski, 40 vjeç, nga Maqedonia e Veriut. Nuk dihet ende origjina e drogës.
LEXO EDHE:
Sekuestrohen 300 kg kokainë në Portin e Durrësit, u gjet në një kamion
Etiketa: 300 kokaine, Chicago Bulls, Dior, drogë, Porti i Durrësit, PSG
