E Ngarkuara me Punë e SHBA-së në Tiranë, Leyla Moses-Ones ka dhënë një mesazh të rëndësishëm në konferencën “Politika Amerikane në Ballkanin Perëndimor”, ku i pranishëm është edhe kryeministri Edi Rama.
Sipas saj vendet e Ballkanit Perendimor, ku bën pjesë Shqipëria janë të rrezikuara nga interesat e rusëve, kinezëve dhe iranianëve.
“Ka vende që kërkojnë rrugë më të lehta përpara, si Kina, Irani dhe Rusia, ato duan ta përdorin Ballkanin Perëndimor si mjet për qëllim, s’ka asgjë idealiste në qëllimet e tyre, duan t’ju përdorin e pastaj ti flakin. Kina psh ka vënë në zbatim ekonominë debitore, Kremlini kërkon kaos, Irani ka shfrytëzuar burimet e tij diplomatike në Tiranë për të shkatërruar kundërshtarët e vet. Por Shqipëria i ka treguar Kinës se disa gjëra thjesht nuk janë për shitje. Shqipëria ia ka dalë mbanë ndaj makinacioneve ruse”, u shpreh Moses-Ones.
Më tej ajo tha se “ne do e mbështesim Shqipërinë edhe kur të marrë kryesinë e OSBE”.
Etiketa: ballkani prendimor, irani, Kina, Leyla Moses-Ones, rrezik, Rusia
