Një e dhjeta e burrave në Rusi që janë vullnetarë për konfliktin me Ukrainën po e bëjnë këtë për t’i shpëtuar bashkëshorteve të tyre, ka pohuar kryetari i bashkisë së qytetit Yaroslav Shaposhnikov, i njohur prej minierës së qymyrit Vorkuta.
“Rreth 10% e vullnetarëve që shkojnë në vijën e parë shkojnë atje sepse gratë e tyre ndoshta janë mësuar me një jetë të mirë… dhe po i bezdisin, bezdisin dhe bezdisin”, tha Shaposhnikov gjatë një diskutimi në internet në programin “Open Vorkuta” ku ishte pjesë e panelit diskutues.
Zyrtari u bëri thirrje grave ruse që të mos shqetësohen për të pasur një trup perfekt për burrat e tyre, por në vend të kësaj t’i mbështesin ata. Shaposhnikov, megjithatë, nuk shtjelloi se në çfarë bazohej vlerësimi i tij prej 10%.
Video e takimit është postuar në rrjetet sociale nga kryebashkiaku, e cila është bërë virale dhe ka marrë një mbulim të gjerë mediatik. Pas komenteve negative të qytetarëve, Shaposhnikov mbrojti deklaratën e tij, duke thënë se ato që ai tha u morën jashtë kontekstit nga media.
“Unë jam një patriot i Atdheut tim. Nuk mund të them objektivisht se si duket [vërejtja] nga jashtë. Fjalët u nxorën jashtë kontekstit, madje disa dhanë interpretimin e tyre. Duhet ta shikoni videon e plotë, por në përgjithësi, unë i qëndroj qëndrimit tim: Gruaja është mbështetja e një burri, të cilin ajo duhet ta mbështesë në çdo situatë”, tha ai për median Podyem.
Rusia shpalli një mobilizim të pjesshëm në fillim të këtij muaji për të forcuar ushtrinë e saj në konfliktin me Ukrainën, i cili shpërtheu në fund të shkurtit. Aktualisht, Moska po kërkon të mobilizojë 300,000 burra, duke u fokusuar tek ata që kanë shërbyer në ushtri dhe kanë përvojë të mëparshme luftarake.
