Një DJ 96 vjeçar në Hong Kong, i njohur si më i vjetri në botë, ka mbajtur emisionin e fundit në radio një ditë më parë, duke deklaruar dorëheqjen, pas 70 viteve transmetim.
Ray Cordeiro falenderoi dëgjuesit dhe mbylli programin e tij, “Me Ray-n”, të dielave në darkë.
“Ja pra, kaq ishte. Faleminderit shumë që qëndruat me mua, dhe lamtumirë”, u shpreh DJ, që njihej po ashtu si xhaxhi Ray.
Ky program vijonte në Radion Publike të Hong Kongut, prej viteve 1970.
Cordeiro ishte bërë mjaft familjar me zërin e tij të veçantë bariton.
Në vitin 2000, Gines i dha çmimin si DJ më jetëgjatë.
Cordeiro ka lindur në Hong Kong, nga prindër portugezë.
Në një intervistë të kohëve të fundit ai u shpreh se ishte njeriu më i lumtur në botë, pasi kishte bërë çfarë kishte dashur, dhe nuk kishte pendime.
Gjatë kësaj karriere të bollshme, ai ka patur rastin të njohë yjet e muzikës, si Beatles, Cliff Richard apo Tony Bennettt.
