Aktualitet

“Do iu jap vizë për në Angli” – Arrestohet e reja që u merrte para qytetarëve














Bëni LIKE faqen zyrtare në Facebook
               Publikuar në : 17:31 - 07/04/21 |
mapo.al

Një 39-vjeçare është arrestuar pasi mashtronte qytetarë të ndryshëm duke i marrë shuma të konsiderueshme parash, me premtimin me vizë pune për në Mbretëri të Bashkuar.





Bëhet fjalë për të identifikuarën me inicialet E.T., banuese në Fier.


Sakaq janë shpallur në kërkim dy bashkëpunëtorë . Në cilësinë  e provës materiale, njofton Policia, janë sekuestruar shuma të konsiderueshme parash në euro dhe në lekë, si dhe dy aparate celularë.




Për veprat penale “Mashtrimi”, “Falsifikimi i dokumenteve” dhe “Ushtrim pa licencë i veprimtarisë financiare”, materialet proceduriale i kaluan Prokurorisë pranë Gjykatës së Shkallës së Parë Tiranë.


Njoftimi i Policisë:


Tiranë

Finalizohet operacioni policor i koduar “Udhëtimi i sigurt”.

Operacioni i zhvilluar nga Seksioni i Krimit Ekonomik dhe Financiar, në bashkëpunim me Prokurorinë e Rrethit Gjyqësor Tiranë.

Mashtronin shtetas të ndryshëm duke i marrë shuma të konsiderueshme parash, me premtimin për pajisjen me vizë pune për në Mbreterinë e Bashkuar, vihet në pranga një shtetase, shpallen në kërkim 2 të tjerë.

Specialistët e Seksionit për Hetimin e Krimit Ekonomik dhe Financiar, në bashkëpunim me Prokurorinë e Rrethit Gjyqësor Tiranë, finalizuan me sukses operacionin policor të koduar “Udhëtimi i sigurt”, në kuadër të të cilit bënë ndalimin e shtetases E. T., 39 vjeçe, banuese në Fier.

Si dhe u shpallën në kërkim shtetasit me inicialet E. M. dhe J. D. (për arsye hetimore nuk jepen të dhëna të tjera).

Këta shtetas, në bashkëpunim me njëri-tjetrin, mashtronin shtetas të ndryshëm duke iu marrë shuma të konsiderueshme parash, me premtimin për pajisjen me vizë pune për në Mbreterinë e Bashkuar dhe paisjen me certifikatë të falsifikuar të gjuhës angleze.

Në cilësinë e provës materiale janë sekuestruar shuma të konsiderueshme parash në euro dhe në lekë, si dhe 2 aparate celular.

Materialet procedurale i kaluan Prokurorisë pranë Gjykatës së Shkallës së Parë Tiranë, për veprat penale “Mashtrimi”, “Falsifikimi i dokumenteve” dhe “Ushtrim pa licencë i veprimtarisë financiare”.

1


Etiketa: , ,

CLOSE
CLOSE
Pas