Deputeti i PD Ervin Salianji u paralajmërua nga nënkryetarja e Kuvendit për gjuhën që përdori teksa replikoi me socialistin Erion Braçe, pasi e akuzoi këtë të fundit se i ka dalë emri në përgjimet italianë për biznesmenin Rezart Taçi.
“Pyetja ishte e thjeshtë se di pse të djeg kaq shumë, a është zv/kryeministri dhe ministrja e Financave në përgjimet e prokurorisë italiane apo jo? Nëse është një zv/kryeministër tjetër apo parafolësi që bën si e shenjta Mari kjo duhet parë.
Nuk është personale mor se e di si e kam unë? Shiko vetëm këmbën lëviz me kështu si ty.
Këto çështjet me personale të fali ky e ai sikur keni ju gjë në dorë, herën tjetër do marr një gjë që është i gjatë sa ty, një brisk”, tha Salianji.
Në këtë moment ndërhyri nënkryetarja e Kuvendit, Ermonela Felaj:
“A ka mundësi ti përmbaheni rregullave të etikës në këtë kuvend? Një masë vërejtje e keni marrë, ju e dini që kur e ripërsërisni ju hiqet e drejta e fjalës”.
Ndërkohë Salianji vijoi duke akuzuar eksponentë të qeverisë për veshje të shtrenjta.
“Po ç’drejtësi sociale këtu ke njerëz deputet të PS drejtues të qeverisë që veshja ju bën sa buxheti për 5 mijë familje që marrin ndihmë ekonomike në një vit? Ju që bëni më shumë të shqetësuarit”.
