Pas më shumë se një javë tensionesh dhe kërcënimesh për luftë ndaj Kosovës, pas situatës së krijuar në Veri, Serbia është dorëzuar.
Televizioni serb N1 raporton se ushtria serbe që gjendej në afërsi të Jarinjës në Rudnicë është tërhequr nga aty dhe janë vendosur në Rashkë.
Sipas informacioneve të N1, as dje ushtria serbe nuk ka qenë e pranishme në afërsi të kufirit me Kosovën dhe sipas tyre ushtria është tërhequr në kazermën në Rashkë.
Këtë mëngjes, helikopteri i KFOR-it ka fluturuar mbi Jarinjë, teksa policia e Kosovës e bëri ndërrimin në ora 12:00.
Ndërkaq, i dërguari i BE-së për dialogun Kosovë-Serbi, Miroslav Lajçak ka njoftuar se ka pasur dy takime të ndara me kryenegociatorët Besnik Bislimi dhe Petar Petkoviç.
