Ajo njihet gjerësisht në publik si dosja “184”, pjesë të së cilës u publikuan nga “Bild”, ku zyrtarë të lartë të shtetit janë përgjuar duke bërë pazare për votat, në 2016 në Dibër. Në përgjime dolën, Edi Rama, Damian Gjiknuri, Xhemal Qefalia, Artan Gaçi, Pjerin Ndreu dhe shumë zyrtarë lokalë.
Vetëm dy muaj më parë (korrik 2019) Prokuroria për Krimet e Rënda që e kishte mbajtur në sirtar këtë dosje për 3 vite, vendosi ta transferojë në Dibër.
Burime për “BW” thanë se prokurorët e Dibrës janë duke studiuar dosjen, ndërsa i kanë ndryshuar emertimin nga “184” në dosja “385”, për shkak se është regjistruar si procedim i ri në Prokurorinë e Dibrës. Dosja ku po hetohet shitblerja e votave, u transferua në Dibër, pasi Krimet e Rënda shpallën moskompetencë. Prokuroria e Dibrës kërkoi në gjykatë shtyrjen e hetimeve me 3 muaj.