Pas finalizimit të operacionit ndërkombëtar “Shpirti” autoritete të policisë shqiptare, italiane dhe të Eurojuast kanë dalë në një konferencë të përbashkët shtypi.
Drejtori i Eurojust Filippo Spiezia, deklaroi se është verifikuar se kriminaliteti shqiptar dhe ai italian është në nivelet më të larta të kriminalitetit botëror.
Gjithashtu ai tha se goditja e krimit të organizuar është një udhëtim që duhet të vazhdojë.
“Mbështes këtë aksion të rëndësishëm. Si fillim operacioni nga policia italiane dhe shqiptare është në nivelet shumë të larta. Ky model sot është perfeksionuar sepse u realizua një hetim i përbashkët duke thyer barrierat territoriale mes Shqipërisë dhe Italisë.
Ajo që po ndodh mes Shqipërisë dhe Italisë nuk ka precendent. Ky operacion është një model që duhet të aspirojmë të gjithë. Gjithashtu dua të nënvizoj se kushtet thelbësore për të siguruar ligjshmërinë dhe zhvillimin ekonomik dhe kjo ishte një dëshmi për të gjithë shqiptarët dhe italianët se pa luftuar riciklimin e parasë nuk mund të ketë zhvillim ekonomik.
Dhe së fundmi dua të them se ky udhëtim është ende shumë i gjatë sepse kriminaliteti shqiptar dhe ai italian janë verifikuar në nivelet më të larta botërore”, tha ai.
LEXO EDHE:
Operacioni ndërkombëtar – Kreu i SPAK dhe De Raho: Luftë krimit të organizuar
