Komentatori i ndeshjeve të futbollit, Dritan Shakohoxha, mesa duket do të largohet nga ushtrimi i këtij, profesioni që ka bërë vite me radhë.
Lajmin e ka bërë vet me dije vetë Shakohoxha në emisionin “Euro Magjia”, në RTSH, ku ka bërë me dije se gjysmëfinalja dhe finalja e Euro2020 do jenë dy ndeshjet e fundit që do të komentojë.
“Kjo do të jetë ndeshja e parafundit që komentoj. Finalja e të dielës së ardhshme do jetë komenti im i fundit. Vjen një ditë që duhet ta lësh edhe atë që dashuron më shumë, në një mënyrë apo tjetër” – u shpreh komentatori.
Shakohoxha këtë vit kaloi në RTSH duke komentuar sfidat e Euro2020 ku dhe duket ka marrë vendimin për t’u tërhequr nga ky profesion.
