Këngëtarja me famë botërore për disa ditë që ka qendruar në Tiranë, Krujë, dhe në bregdetin e Jugut, ka kontribuar në promovimin e Shqipërisë më shumë se sa buxhetet jo të pakta të qeverisë për turizmin. Ndjekësit e saj në rrjetet sociale, që janë miliona në gjithë botën, kanë shprehur interes për vendin tone. “Beautiful Albania”, shkruan Dua, në ditën e fundit të qendrimit
Këngëtarja e njohur me origjinë shqiptare, Dua Lipa, fituese e shumë çmimeve ndërkombëtare dhe me miliona ndjekës në rrjete sociale, ka bërë për imazhin e Shqipërisë në një javë, aq sa qeveria e rilindjes me Blendi Klosin Ministër të Turizmit, nuk kanë bërë në 8 vite.
Në ditët që ka qendruar në Shqipëri, në Tiranë e në rivierën e Jugut, Dua ka ndarë me ndjekësit e saj nga gjithë bota, foto dhe momente të kendshme, me shënime dhe përshtypje të saj nga vendet që ka vizituar.
Në ditën e fundit të qëndrimit, ajo shprehej se për fat të keq i duhej të largohej, edhe pse nuk dëshironte.
Fotot e saj nga bregdeti i jugut, tashmë janë parë nga miliona në gjithë botën, që kanë reaguar duke shprehur interesin për ta vizituar Shqipërinë.
Po ashtu, ajo ka publikuar momente dhe imazhe edhe nga kryeqyteti, dhe nga qyteti historik i Krujës. Këtë nxitje për imazhin, këtë promovim të vendit nuk ja ka dalë dot ta bëjë qeveria jonë në 8 vite, me gjithë buxhetet jo të vogla në dispozicion të turizmit.
Madje së fundmi, bëri përshtypje një lajm që qarkulloi në media, ku për këtë sezon Ministria e Turizmit e drejtuar nga Blendi Klosi, nuk kishte arritur të bënte as edhe një spot promovues.
Nuk ka dyshim se nuk mund të krahasohet asnjëri zyrtar, dhe puna e asnjë qeverie me impaktin që ka një yll i skenës si Dua Lipa. Por të paktën qeveria jonë ka pasur në dorë të mos e dëmtojë imazhin e vendit, duke bërë përpjekje në këtë drejtim.
Dua Lipa është për t’u falenderuar nga zemra për publicitetin, ndërkohë që qeveria e ka renditur Shqipërinë në raportet me negative përsa i përket korrupsionit, drogës, pastrimit të parave.
Sërish, nuk munguan zyrtarët që tentuan të përfitojnë nga fama e këngëtares, duke ju ngjeshur nga pas në drekat dhe darkat e saj.
Beautiful Albania
Dua Lipa po shijon disa ditë pushime në jug dhe nuk ka ngurruar që t’i promovojë bukuritë natyrore të vendin tonë në llogarinë e saj në Instagram. Këngëtarja shqiptare me famë botërore ka publikuar sërish disa foto dhe video nga Saranda. Bashkë me pamjet ajo shkruan “Beautiful Albania”.
View this post on Instagram
Në një prej videove, Dua dëgjohet edhe duke folur shqip. Në postim nuk kanë munguar as komente nga ndjekës të këngëtares që thonë se do ta vendosin tashmë Shqipërinë në listën e destinacioneve për pushime.
View this post on Instagram
Kontribut pas tërmetit
Dua Lipa, me anë të fondacionit “Sunny Hill”, ka dhënë kontributin e saj për ndërtimin e një kopshti në Tiranë, i dëmtuar nga tërmeti i 26 nëntorit të vitit 2019. Dua ishte në Kryeqytet në mesin e javës së shkuar, së bashku me familjen dhe të dashurin, ndërsa ishin të pranishëm në ambientet e kopshtit të shoqëruar nga kryetari i Bashkisë së Tiranës, Erion Veliaj.
Në pamjet e postuara në Facebook, Dua Lipa shfaqet edhe si një muratore, ndërsa mbjell edhe një pemë në ambientet e kopshtit.
