Aktualitet

Duka letër Ramës: Ndeshja me Anglinë historike, duam tifozë në stadium














Bëni LIKE faqen zyrtare në Facebook
               Publikuar në : 17:14 - 23/03/21 |
mapo.al

Kreu i FSHF, Armand Duka kërkon rikthimin e tifozëve kuqezi në stadiumin “Air Albania”, për ndeshjen e kombëtares kundër Anglisë.






Në një letër drejtuar kryeministrit Edi Rama, Duka thekson se stadiumi i ri mundëson zbatimin e masave të sigurisë anti-COVID, për të lejuar në stadium 30% të tifozëve.


“Ne kemi një stadium modern, me standartet më të larta botërore, që na lejon të kemi minimalisht 30% të tifozëve në stadium, duke mundësuar shmangien e ҫdo rreziku nga virusi Covid-19”, shkruan Duka.







Mirëpo, nëse kjo kërkesë e FSHF refuzohet nga Ministria e Shëndetësisë, Duka ka një tjetër propozim, lejimin në stadium të të gjithë atyre që janë vaksinuar.



“Nëse kjo prani e limituar tifozësh shikohet ende si një problem nga Ministria e Shëndetësisë dhe Mbrojtjes Sociale dhe Komiteti Teknik i Ekspertëve, atëherë do ju propozoja që të lejohen në stadium të gjithë personat që janë vaksinuar dhe kanë përfituar nga procesi i vaksinimit masiv që ju si Qeveri po zhvilloni në mbarë trojet shqiptare”.



Presidenti i FSHF e quan të rëndësishme ndeshjen eliminatore kundër “tre luanëve”, për finalet e Kupës së Botës Katar 2022.

Letra e Dukës për Ramën
I nderuar zoti Kryeministër!
Uroj të kem vëmendjen tuaj të plotë, në prag të një përballjeje historike dhe të shumëpritur me Anglinë, që rikthehet në Shqipëri pas plot dy dekadash. Një përballje që prej javësh na ka vendosur në qendër të vëmendjes së mediave më të mëdha botërore, ku imazhi i futbollit tonë pasqyrohet me nota shumë pozitive dhe shikohet në rritje të vazhdueshme.

Lexo edhe :  Rama prezanton qeverinë, e pranishme edhe Linda: Ministrat, sipas rezultatit

Po ju drejtohem ju, sepse ne i kemi konsumuar të gjithë shkallët e procesit burokratik duke i shkruar Ministrisë së Shëndetësisë dhe Mbrojtjes Sociale dhe Komitetit Teknik të Ekspertëve, nga të cilët kemi marrë përgjigje refuzuese për praninë e një numri të reduktuar të tifozëve në stadium, siҫ e lejon dhe qeveria europiane e futbollit, UEFA.

I nderuar z. Kryeministër!
Duke parë që në vendin tonë shumë biznese me grumbullime masive njerëzish vazhdojnë aktivitetin normalisht, do të shpresoja shumë që ju të ndihmonit ekipin Kombëtar shqiptar dhe tifozët tanë të zjarrtë për të qenë të pranishëm në këtë ndeshje shumë të rëndësishme për rrugëtimin e Shqipërisë drejt Botërorit Katar 2022. Ne kemi një stadium modern, me standartet më të larta botërore, që na lejon të kemi minimalisht 30% të tifozëve në stadium, duke mundësuar shmangien e ҫdo rreziku nga virusi Covid-19.

Nëse kjo prani e limituar tifozësh shikohet ende si një problem nga Ministria e Shëndetësisë dhe Mbrojtjes Sociale dhe Komiteti Teknik i Ekspertëve, atëherë do ju propozoja që të lejohen në stadium të gjithë personat që janë vaksinuar dhe kanë përfituar nga procesi i vaksinimit masiv që ju si Qeveri po zhvilloni në mbarë trojet shqiptare.

Duke marrë parasysh faktin se Komiteti Teknik i Ekspertëve, pas vendimit të Gjykatës Kushtetuese, vendosi që grumbullimi i më shumë se 10 personave pas 25 marsit është i lejuar, jam besimplotë që ju do ta merrni në konsideratë këtë kërkesë në të mirë të futbollit shqiptar dhe dashurisë që kanë tifozët tanë për fanellën kuqezi.
Sinqerisht,
Armand Duka

1


Etiketa: ,

CLOSE
CLOSE
Pas