fbpx

Aktualitet

Dulaku-Kastrati dhe trafikanti, PD: Ja kush i mori me koncesion portet





               Publikuar në : 12:03 - 22/10/19 |
mapo.al

Një ditë më parë media zbuloi se janë dhënë me koncesion (PPP) portet e jahteve “Marina Rodon”, në Durrës dhe “Limioni” në Sarandë. Por kush janë përfituesit e miliona eurove që rrjedhin prej këtyre koncesioneve me afat 30 vjet?


Partia Demokratike ka denoncuar sot se përsëri kemi të bëjmë me vjedhje dhe marrëveshje të fshehta mes qeverisë dhe oligarkëve apo një trafikanti të kthyer në biznesmen.



“Të dyja këto koncesione u dhanë me tendera fallco, ku pati vetëm një ofertë, nga personat me të cilët Rama kishte bërë pazaret që më parë.


Kepin e Rodonit ia ka dhënë për 35 vjet Roland Ziut, i njohur nga mediat si trafikant ndërkombëtar droge. Prej vitesh ky trafikant është lidhur ngushtë me pushtetin e Edi Ramës. Para pak kohe, Erion Veliaj i dha atij koncesionin e terminalit jugor të transportit. Në këtë koncesion trafikanti i drogës i shndërruar në biznesmen pranë qeverisë, është bashkë me kompaninë R&T, e Renis Tërshanës”, deklaroi Dorian Teliti nga selia e PD-së.

Sakaq, Koncesioni i Portit të Sarandës i është dhënë për 30 vjet dyshes Kastrati-Dulaku. “Kastrati është oligarku më i ngushtë i Edi Ramës, që ka marrë koncesion 400 milionë euro të Rrugës së Kombit, furnizon ekskluzivisht prej 6 vjetësh me karburant qeverinë dhe ka përfituar leje ndërtimi në zonat e gjëlbërta të Tiranës. Porti i Sarandës i ishte dhënë më qira për 20 vjet kompanisë së biznesmenit Artan Dulaku dhe nuk dihet sesi qiraja u kthye në koncesionin Dulaku-Kastrati”, denoncoi Teliti.

“Vendimet për të dhënë me koncesion dy pika të rëndësishme të pasurisë dhe sigurisë kombëtare tek krimi dhe oligarkët e Edi Ramës janë pazare të paracaktuara. Për to nuk pati garë reale, kompanitë e huaja u përjashtuan de facto, koha e plotësimit të dokumentacionit ishte shumë e shkurtër, duke eliminuar konkurrencën dhe duke i shndërruar vendimet e Edi Ramës dhe Belinda Ballukut në vendime korruptive dhe klienteliste.

Kapja e shtetit nga krimi dhe oligarkët është arsyeja kryesore që Shqipëria është jashtë Bashkimit Europian. Europa ka 6 vjet që e refuzon Ramën dhe krimin e tij. Europa do ta refuzojë atë deri sa ne ta largojmë nga pushteti dhe t’u kthejmë njerëzve qeverisjen nëpërmjet zgjedhjeve të lira e të ndershme”, tha zyrtari i PD-së.

Lexo edhe:

Dy porte jepen me koncesion, “Limioni” në Sarandë dhe “Marina Rodon”


Etiketa: , , , , , , , , ,

CLOSE
CLOSE
Pas