Tre grabitës, njëri prej tyre me armë në dorë, kanë hyrë në një banesë në Durrës, pas mesnate. Pronari i shtëpisë i ka dëgjuar dhe ka tentuar t’i ndalojë. Gjatë përleshjes, 48-vjeçari ka mbetur i plagosur. Mësohet se ai është jashtë rrezikut pë jetën, në spital. Autorët janë zhdukur pa lënë gjurmë.
Njoftimi i policisë:
Më datë 21.08.2019, rreth orëz 02:35, në fshatin Pjeshkë, Durrës, tre persona, njëri prej tyre me armë zjarri kanë tentuar të vjedhin banesën e shtetasit F.M. 48 vjeç, por autorët janë diktuar nga pronari i banesës dhe janë konfliktuar fizikisht me njëri – tjetrin.
Shtetasi F.M., është plagosur në këmbë dyshohet me sende të forta dhe ndodhet në Spitalin Rajonal Durrës jashtë rrezikut për jetën.
Grupi hetimor në bashkëpunim me Prokurorinë e Rrethit Gjyqësor Durrës po punojnë për identifikimin dhe kapjen e autorëve si dhe zbardhjen e plotë të ngjarjes.
