Aktualitet

Durrës/ Kapet mbi 10 kg kokainë në konteinerët e “Alba Exotic Fruit”














Bëni LIKE faqen zyrtare në Facebook
               Publikuar në : 16:35 - 12/10/21 |
mapo.al

Policia e Durrësit ka sekuestruar mbi 10 kilogramë kokainë mesditën e sotme në Portin e Durrësit.






Mësohet se droga u kap në konteinerët e kompanisë “Alba Exotic Fruit”.


Mësohet se kokainë ishte e fshehur në pjesën fundore të kapakëve të motorëve frigoriferikë të dy konteinerëve.







Kjo nuk është hera e parë që në konteinerët e kësaj kompanie sekuestrohet kokainë.




Njoftimi i Policisë
Port, Durrës/ Vijon operacioni policor i koduar “Rada”, për goditjen e veprimtarisë kriminale në fushën e trafikimit të lëndëve narkotike.



Sekuestrohet një tjetër sasi kokaine në një nga kontenierët e firmës “Alba Exotic Fruit”.

Në kuadër të operacionit “Rada”, të nisur më datë 13.07.2021, në Portin e Durrësit, ku nga Task Forca permanente e përbërë nga Policia Kufitare, strukturat hetimore të Drejtorisë Vendore të Policisë Durrës dhe autoritetet doganore të Portit është gjetur dhe sekuestruar lëndë narkotike kokainë, në një nga kontenierët për llogari të firmës “Alba Exotic Fruit”, tjetër sasi kokaine është sekuestruar ditën e sotme.

Në vijim të operacionit “Rada”, mesditën e sotme, nga Task Forca permanente që vepron në Portin e Durrësit, është ushtruar kontroll i imtësishëm në dy nga kontenierët e ngarkuar me banane, që kishin ardhur nga Ekuadori, për llogari të kësaj firme. Si rezultat i kontrollit të imtësishëm, në pjesën fundore, te kapakët e motorëve frigoriferikë të dy kontenierëve u gjet dhe u sekuestrua një sasi prej 10 kilogramë e 185 gramë lëndë narkotike e dyshuar kokainë.

Task Forca permanente që operon në Portin e Durrësit dhe Drejtoria Hetimore në Departamentin e Policisë Kriminale në Policinë e Shtetit vijojnë veprimet hetimore, nën drejtimin e SPAK-ut.

1


Etiketa: , ,

Pas