DURRËS – Një ngjarje e rëndë ka tronditur Durrësin orët e para të mëngjesit të sotëm. Një person është gjetur i vrarë me armë zjarri brenda në një automjet tip “Mercedes-Benz”. Ngjarja ka ndodhur në zonën e ish-Kënetës në orët e para të mëngjesit të sotëm. Viktima është identifikuar si Martin Ndreca 45-vjeç.
Ndërkohë policia e Durrësit ka identifikaur edhe autorin e kriit dhe është vënë në ndjekje të tij. Ngjarja dyshohet se ka ndodhur pas një konflikti të momentit, ndërsa autori dyshohet të jetë shtetasi N.Zefi 37 vjeç.
Durrës
Informacion Paraprak
Më datë 24.02.2019, rreth orës 01:10, në lagjen Ish Kënetë, shtetasi N.Z. 37 vjeç, për motive të dobëta dyshohet se ka vrarë me armë zjarri shtetasin M.N., 45 vjeç, banues në kete lagje.
Autori i dyshuar pas krimit është larguar menjëherë dhe është shpallur në kërkim. Policia po punon për kapjen e tij.
Grupi Hetimor në bashkëpunim me Prokurorinë e Rrethit Gjyqësor Durrës po punojnë për zbardhjen e plotë të rrethanave te kësaj ngjarje.
/Gazeta Mapo/
