Shoqërohet në Policinë e Shtetit, me urdhër të SPAK, Viktor Ymeri, i njohur me njofkën “Toni i Xhihanes”.
Ymeri është daja i Edison Harizajt, që njihej me nofkën “faqedjeguri”, 33-vjeçari i njohur si mik i Emiljano Shullazit, që u ekzekutua në një atentat në Durrës, 7 nëntorin e kaluar bashkë me një mikun e tij.
Ai ka qenë anëtar i bandës së Gazmend Brakës në Vlorë, njohur si Gaxhai. Braka është dënuar me burgim të përjetshëm, ndërsa për Ymerin, i akuzuar për 2 vrasje të kryera në vitin 1999 në Durrës, vitin që shkoi dënimi iu ndryshua nga burgim i përjetshëm, në 25 vite burg.
Viktor Ymeri ishtë dënuar për vrasjen e Arben Pajës dhe Ilir Xhungës. Përllogaritja e viteve të dënimit, referuar kohës së qëndrimit në burg, bëri që Viktor Ymeri të fitojë lirinë pak ditë pas vrasjes së nipit të tij, Edison Harizaj.
Viktor Ymeri u lirua me kusht nga Gjykata e Elbasanit në vitin 2019, ndërsa dyshohet të ketë lidhje me një atentat të kryer në Durrës së fundmi, për të cilin është arrestuar edhe ish-anëtari i Bandës së Durrësit, Indrit Taullai. Ky i fundit u arrestua dy ditë më parë nga Policia e Kosovës me urdhër të Interpol Tiranës.
Policia dhe SPAK pritet të kenë reagim në orët në vijim.
