Funerali i Fabrizio Piscitelli, ish-kapo ultrasi i Lazios i njohur edhe si Diabolik, do të bëhet privatisht. Sipas asaj që raportojnë mediat italiane, vendimi është marrë nga kryeinspektori ne Policine e Romës, Carmine Esposito, për “arsye të rendit dhe sigurisë”, shkruan “Ansa”.
Në dispozitë, kryeinspektori thekson se “riti i varrimit në praninë e nje numri te madh njerezish, me mbulim të madh mediatik, mund të shkaktojë cenim serioz ndaj rendit dhe sigurisë publike”. Por kjo gjë ka zemëruar famiiljen e të ndjerit.
Ky vendim mesa duket eshte marrë duke patur parasysh që Piscitelli ishte një “eksponent i shquar” i mbështetësve të Lazios, “themeluesi” i grupit të Irreducibles, dhe gjithashtu pas një tubimi spontan të organizuar mbrëmjen e djeshme nga anëtarët e grupit ultras pranë vendit ku 53-vjeçari u vra.
Janë tre telefona celularë që kishte në përdorim Fabrizio Piscitelli, i njohur edhe me nofkën Diabolik, mbi të cilin hetuesit janë duke punuar për të zbardhur se kush ishte autori dhe porositësit e vrasjes.
Ngjarja ndodhi në lagjen Usholana, në “Parco degli Acquedotti”, teksa ditën e ngjarjes mediat italiane raportuan se kreu i ultrasve lacialë u vra me një plumb në kokë.
Ai nuk ishte i panjohur për policinë jo vetëm për shkak të pozicionit të tij si ultras, por shpesherë ishte cilësuar si kapo i drogës.
Fabricio Pishteli kishte qenë duke ecur në park kur i ishte afruar një person i cili e kishte qëlluar me një plumb në kokë duke e lënë të vdekur në vend dhe ishte larguar më pas mes turmës.
Mediat italiane raportojnë se më e mundshme e vrasjes së ultrasit të Lacios është hakmarrja për një trafik ndërkombëtar droge të përfunduar keq me mafien shqiptare, duke përjashtuar një motiv të lidhur me botën e ultrasit. Vetëm një muaj më parë “Diabolik”, kishte festuar dasmën e vajzës së tij në një ceremoni madhështore në zemër të kryeqytetit italian.
Në vitin 2016 Piscitellit, iu konfiskuan 2 milion euro nga Guardia di Finanza. Në vitin 2013 ai u arrestua, sepse ai u konsiderua nga hetuesit si qendra e një rrjeti të trafikut të drogës midis Spanjës dhe Italisë.
