Adiola Lakra, 26-vjeçarja që u arrestua mëngjesin e sotëm në Berat, si bashkëpunëtore në vrasjen e Hekuran Billës ka pranuar rolin e saj në krimin e rëndë.
“E nxora në pritë për para”, mësohet se ka thënë Lakra përpara grupit hetimor, ku ka rrëfyer se është paguar nga Viktor Marku dhe Sebastian Mali për rolin e saj në krim.
Në dëshminë e parë para hetuesve, ajo ka thënë se kishte lidhje intime me Billën prej një viti dhe se i kishte kërkuar Sebastian Mali, nipi i autorit të vrasjes, Viktor Markut, që të frekuentohej me viktimën.
““Me Sebastian Malin kam miqësi. Ai më kërkoi të njihesha me Hekuran Billën dhe të krijoja miqësi me të. Për këtë më ofroi para. Kam rreth 1 vit që shoqërohesha me Billën”, mësohet të jetë shprehur ajo. Mbrëmjen e 11 qershorit ajo nxori në pritë të dashurin e saj i cili më pas u vra me 15 plumba nga Viktor Marku te Komuna e Parisit.
Sipas hetimeve, ajo kishte njohje me familjen e Viktor Markut, i cilësuar nga policia si autori kryesor i vrasjes së Billës. Policia dyshon se e reja ka bashkëpunuar me Sebastian Malin dhe Viktor Markun për ekzekutimin që tronditi Tiranën pak javë më parë. Adiola Lakra u arrestua mbrëmjen e kaluar në qytetin e saj të lindjes, Berat.
Skema e atentatit dhe roli i 26-vjeçares
Adiola Lakra ka qenë personi kyç në realizimin e vrasjes së Hekuran Billës. Mësohet se ajo njoftonte Sebastian Malin, nipin e Viktor Markut, për lëvizjet e të dashurit të saj. Pasi la takim me të mbrëmjen e 11 qershorit, 26-vjeçarja ka informuar Sebastian Malin për vendndodhjen e Hekuran Billës. Më pas, ka qenë Mali i cili ka njoftuar dajën e tij, Viktor Marku, i cili ka mbërritur aty me një automjet ngjyrë të zezë dhe brenda pak sekondash, ka zbrazur karikatorin me silenciator drejt Hekuran Billës, duke e lënë të vdekur në vendin e ngjarjes. Në kërkim ndërkohë vijon të jetë një person i tretë bashkëpunëtor në krim, i cili ka qenë shofer në automjetin e atentatit, që më pas u gjet i djegur në Pezë.
LEXO EDHE:
MAPO siguron foton e 26-vjeçares që nxori në pritë Hekuran Billën
Bashkëpunëtore në vrasjen e Hekuran Billës, arrestohet një vajzë (EMRI)
Etiketa: Adiola Lakra, Hekuran Billa, Sebastian Mali, Viktor Marku
