Aktualitet

“E futën me dhunë në makinë”/ Identifikohet 49-vjeçari i rrëmbyer në Kamëz (EMRI)





Bëni LIKE faqen zyrtare në Facebook
               Publikuar në : 20:20 - 17/01/20 |
mapo.al

Detaje të reja janë zbardhur nga ngjarja horror e ndodhur sot në Kamëz, ku u dhunua dhe u mor peng një person. Jak Prenga është personi që është dhunuar dhe më pas rrëmbyer nga perona të maskuar. Ndërkohë që policia po vijon punën për identifikimin e rrëmbyesve, për të cilën deri në këto momente nuk ka asnjë informacion.


Një prej dëshmitarëve tha se në vendin e ngjarjes ka parë gjurmë gjaku dhe një këpucë të personit të marrë peng. Sipas tij, ngjarja ka ndodhur rreth orës 11:00 dhe kanë qenë 4 persona të maskuar që kanë rrëmbyer një person e më pas janë larguar me një mjet tip “Fuoristradë”.


“Unë kam parë vendin e gjakosur, pranë rrugës “Manhatan”. Pashë vetëm gjurmë gjaku dhe këpucën e personit që është rrëmbyer. Nuk kam qenë në vendngjarje, e mora vesh pak më pas. Ka ndodhur nga ora 11:00. Policia u njoftua pak me vonesë. E kishin marrë me dhunë. Ishin 4 persona të maskuar”, tha dëshmitari për “FaxNews”.


Ndërkohë, Policia e Kamzës ka dhënë edhe versionin zyrtar të ngjarjes. “Rreth orës 11:44, në rrugën “London”, Kamëz, dyshohet se gjatë një konflikti të çastit midis disa personave ende të paidentifikuar, është marrë jashtë dëshirës në automjet një nga personat e përfshirë në konflikt.


***

Njoftimi i policisë

Rreth orës 11:44, në rrugën “London”, Kamëz, dyshohet se gjatë një konflikti të çastit midis disa personave ende të paidentifikuar, është marrë jashtë dëshirës në automjet një nga personat e përfshirë në konflikt.

Policia ka shkuar menjëherë në vendngjarje dhe është vënë në ndjekje të automjetit i cili është larguar menjëherë nga vendngjarja.

Në vendngjarje shërbimet e Policisë kanë gjetur automjetin e personit që dyshohet se është marrë jashtë dëshirës së tij nga personat me të cilët u konfliktua.

Grupi hetimor po punon për sqarimin e plotë të rrethanave të ngjarjes.

LEXO EDHE: 

Merret peng një person në Kamëz, e fusin me dhunë në makinë


Etiketa: , , ,

Pas