Mes dokumenteve kishte fshehur dhe 500 lekë, për një kafe…
Policia arrestoi 35 vjeçarin i cili tentoi të korruptonte policin rrugor pasi u kap teksa drejtonte mjetin pa vendosur rripin e sigurisë dhe pa kryer kontrollin teknik.
Ndalimi u bë në rrugën “Karl Gega” në Tiranë.
Në momentin kur polici njofton qendrën për veprimin e 35 vjeçarit ky i fundit merr në telefon mamanë dhe i thotë të marrë babain i cili do të telefonojë shokut të vet.
“Arrestimi i këtij shtetasi u be për veprën penale te parashikuar nga neni 244 i Kodit Penal “Korrupsion aktiv ndaj personave qe ushtrojnë funksione publike”, pasi gjate kontrollit policor, me qëllim shmangien e penalizmit, drejtuesi i automjetit i ka ofruar agjentit verifikues një shumë lekësh.”
Gjatë 25 ditëve të para të këtij viti, Policia Rrugore e Tiranës ka goditur tre raste të mitëdhënies, ku kanë përfunduar në pranga drejtuesit e mjeteve që kanë tentuar të korruptojnë punonjësin e Policisë rrugore me qëllim shmangien e masës administrative për shkeljen e konstatuar nga punonjësit Policisë rrugore në shërbim.
https://www.facebook.com/1502420603377639/videos/2852428408317315/
