Ky është momenti kur Erica Scott-Young ngre grushtin në ajër, e lumtur që më në fund burri iu rikthye pranë saj. Por kush është Erica dhe përse është në qendër të medias britanike?
Ajo është bashkëshortja e Alan Bercow. Ky i fundit kishte një aferë me gruan e kryetarit të Parlamentit britanik, Sally Bercow.
Deri këtu nuk duket ndonjë çudi e madhe.
Por Alan Bercow është kushëri me kryetarin e Parlamentit, John Bercow.
Historia ka shkaktuar tërmet në mediat rozë britanike.
Megjithatë Alan Bercow vendosi të braktisë gruan e kryetarit të Parlamentit dhe të kthehet tek e shoqja, Erica.
Të dy u fotografuan të lumtur së bashku.
Më e lumtur dukej Erica, e cila ironizoi edhe Sally-n.
“Më vjen keq për të, por ky është pak a shumë si një aksident,” tha Erica.
Ndërsa Sally u shfaq një ditë me parë me paterica përpara mediave për të folur për këtë moment të vështirë. Sally Bercow konfirmoi për mediat zërat se ka pasur një aferë me kushëririn e të shoqit, Alan Bercow, por ky i fundit e la për t’u rikthyer tek e shoqja, Erica.
“Më la zemërthyer si m…,” tha ajo.
Sally foli për mediat jashtë shtëpisë së saj në Londër, pa unazën e martesës në dorë.
“Burri im është një burrë i mirë. Ai nuk është një tip i dobët, por është njeri që fal. Megjithatë në këtë rast nuk e di nëse do më falë. Ai është një baba i mirë dhe një kryetar parlamenti i shkëlqyer”.
“A jam unë një grua e mirë? Unë jam një grua e tmerrshme. Jam një grua e tmerrshme. Gjithmonë kam qenë kështu. Nuk e di nëse do më falë,” tha ajo.
Nëna e tre fëmijëve, e njohur për stilin e saj të tepruar të jetesës, tha se nuk i pëlqente jeta në parlament.
“Urreja të jetoja në parlament. Është sikur të jetosh në një akuarium. Nuk ishin mobiljet tona. Nuk ishte një jetë normale. Vendi ishte i mbushur me portrete politikanësh të q… të shekullit të 18-të”.