Luzia Gega nderon Shqipërinë në atletikë dje jo vetëm, por në sport dhe më gjerë, pasi arriti të marrë medalje ari në 3000 metra me pengesa.
Atletja shqiptare ia doli që të kalonte e para vijnë e finishit, duke regjistruar kohën 9,11.31 dhe duke përligjur kështu dhe pritshmëritë e të gjithëve.
Atletja ishte dominuese në pjesën me të madhe të garës, duke ruajtur avantazhin për plot 2900 metra, ndërsa në fund kishte një epërsi prej gati 4 sekondash ndaj atletes më të afërt, që ishte gjermania Lea Meyer.
Duke përjashtuar 100 metrat e para, Gega ka kryesuar në 2900 metrat pasuese duke mos e vënë në asnjë moment në diskutim e duke treguar se në këtë disiplinë nuk njeh rivale, së paku në kontinent.
Pak javë më parë, Gega u rendit e pesta në botë në të njëjtën disiplinë. Në Lojërat Mesdhetare ajo arriti që të merrte tri medalje ari. Sportistja 33-vjeçare po kalon një nga vitet e saj më të mira në karrierë, këtë herë duke marrë medalje ari në zemër të Gjermanisë.
